Utho Sakina Sehar Huwi Hai
pukari shana hilake madar utho sakina sehar hui hai
na roothe ghamgeen maa se dilbar utho sakina sehar hui hai

utho ke abbas aa rahe hai wo bhar ke mashkeeza la rahe hai
na zulm dhayega koi tumpar utho sakina sehar hui hai
pukari shana hilake….

na koi maarega taaziyane na aayega ab koi satane
na shimr lega tumhare gohar utho sakina sehar hui hai
pukari shana hilake….

khafas may yun humse moo na modo raho na khamosh kuch to bolo
na paas akbar hai aur na asghar utho sakina sehar hui hai
pukari shana hilake….

na kamsini may sukoon paaya utha hai sar se pidar ka saaya
yehi tha likha tera muqaddar utho sakina sehar hui hai
pukari shana hilake….

tadap ke furqat may ab na rona pidar ke seene pe jaake sona
bulaane aaye hai tumko sarwar utho sakina sehar hui hai
pukari shana hilake….

na ladkhadaogi raaston may rasan bandhegi na baazuon may
na sar barehna phirogi dar dar utho sakina sehar hui hai
pukari shana hilake….

pidar se tumko chudane wale aur humko dar dar phirane wale
na bakshe jayeenge roze mehshar utho sakina sehar hui hai
pukari shana hilake….
487 Views
Utho Sakina Sehar Huwi Hai

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot