sughra ne kaha haye baradar nahi aaye akbar nahi aaye
bemaar behan unko kahan dhoondne jaye akbar nahi aaye

kya janiye kis baat pe wo mujhse khafa hai, nazron se ye niha hai
yun ghar se gaye laut ke phir ghar nahi aaye, akbar nahi aaye
sughra ne kaha….

dum aankhon may atka hai nazar dar pe gadi hai, marne ki ghadi hai
kya janiye ab qabr meri kaun banaye, akbar nahi aaye
sughra ne kaha….

jis raah se aane ki khabar deke gaye thay, sau waade kiye thay
baithi hoo usi raah pe mai aas lagaye, akbar nahi aaye
sughra ne kaha….

bhai jo nahi paas to phir kaun hai mera, har soo hai andhera
hai kaun meri qabr pe jo shamma jalaye,  akbar nahi aaye
sughra ne kaha….