Rasan Basta Haram

rasan basta harram majboor aur lachaar phirte hai
barehna sar barehna pa sare bazaar phirte hai
rasan basta….

Kale may tauq hai zanjeer-e-pa chalne nahi deti
magar kaanto ke upar abide bemaar phirte hai
rasan basta….

Kaha karte thay abid umr bhar zainab se ro ro kar
phuphi aankhon may zindan ke daro dewaar phirte hai
rasan basta….

Buka karti thi sughra raton ko furqat may baba ki
watan ko dekhiye kab sayyede abrar phirte hai
rasan basta….

Phirayi jati hai dar dar rasoole paak ki itrat
mahaar unton ki pakde abide bemaar phirte hai
rasan basta….

Hayat ek ek ko hasrat se dekha karta hai payro
kabhi jo karbala se jaake zawwar phirte hai
rasan basta….

107 Views
Rasan Basta Haram

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot