Qafila Ja Raha Hai Watan K Liye

khafila ja raha hai watan ke liye
karbala may qayamat ka ek shor hai

koi roti hai apne jawan laal ko
ro rahi hai koi kamsuqan ke liye
apni barbadiyon ko gawara kiya
khoon may doobe gulon ka nazara kiya
dediya fathima ka bhara gulsitan
karbala tere ujde chaman ke liye
khafila ja raha….

qasre zalim kabhi qaid khana kabhi
noke naiza kabhi taaziyana kabhi
kaunsi thi aziyat jo di na gayi
har jafa thi aseere mehan ke liye
khafila ja raha….

jab chale thay madine se sab saath thay
aun o jafar thay akbar thay abbas thay
ja rahi hoo madine to koi nahi
ab musibat faqad hai behan ke liye
khafila ja raha….

qabre qasim se hai yun muqatib phupi
teri shadi kuch is tarha ban may hui
koi sehre ka bhi bhool baakhi nahi
warna lejati qabre hassan ke liye
khafila ja raha….

koi chadar na thi kaisi bedaad thi
haath hote hue bhi na azaad thi
kitni majboor kardi gayi thi behan
apne bhai ke dafn o kafan ke liye
khafila ja raha….

3,264 Views

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot