Khoon Ke Aansoo Laho

khoon ke aansoo lahoo lahoo ye manzar tere naam
tapti reti be-sar laashe sarwar tere naam
khoon ke aansoo….

chala abu talib ka beta aayi nidaye ghaib
farshe nabi par sone wale khyber tere naam
khoon ke aansoo….

has kar boli binte asad se kaabe ki deewar
sher ki dukhtar sher ki maadar ye ghar tere naam
khoon ke aansoo….

teri ghulami rashke ameeri waah teri taqdeer
aal ki kidmat deen ki nusrat qambar tere naam
khoon ke aansoo….

ghurbat may jaan de di lekin daman e aal na chora
haq ki rifaqat faqr ki daulat abuzar tere naam
khoon ke aansoo….

kaisi chain ki neend aayi hai talwaron ke neeche
sone wale aaj nabi ka bistar tere naam
khoon ke aansoo….

sehre ka armaan hai dil may maa ko kya maloom
maut jawani ne likh di hai akbar tere naam
khoon ke aansoo….

sar nange hai jaane wali bazare koofa may
khudrat ne tatheer ki likh-di chadar tere naam
khoon ke aansoo….

chand sa chehra khoon may ghaltan baap ka baazu zakhmi
pyas ki shiddat maut ki lazzat asghar tere naam
khoon ke aansoo….

200 Views
Khoon Ke Aansoo Laho

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot