kya qayamat lab-e-alqama hai
mashk chidi pani baha ho gaye baazu qalam
khoon se abbas ka surkh huwa jab alam

shor utha nehr par, qatl-e-alamdar shud
shaad huve ehl-e-shar, qatl-e-alamdar shud
dekha suye nehr to shabbir ne rokar kaha
khoon may dooba alam abbas ka

ab mera lashkar kahan, qatl-e-alamdar shud
mai hua tanha yahan, qatl-e-alamdar shud
kyun na kamar ho kaman, qatl-e-alamdar shud
kyun na lahoo aankhon se barsa-un bata karbala
khoon may dooba….

rone lagi alqama, qatl-e-alamdar shud
maujon ne matam kiya, qatl-e-alamdar shud
dasht se aayi sada, qatl-e-alamdar shud
dekha suye nehr to zainab ko nazar aagaya
khoon may dooba….

qaimo may hai shor-o-shain, qatl-e-alamdar shud
lut gaya zehra ka chain, qatl-e-alamdar shud
roke ye bole hussain, qatl-e-alamdar shud
meri sakina ke liye hoga payam-e-qaza
khoon may dooba….

karti hai zainab buka, qatl-e-alamdar shud
koi nahi aasra, qatl-e-alamdar shud
bhai akela huwa, qatl-e-alamdar shud
sar se rida jayegi zainab ko yakeen hogaya
khoon may dooba….

fizza ne paayi khabar, qatl-e-alamdar shud
haath rakha qalb par, qatl-e-alamdar shud
phaynki rida khaak par, qatl-e-alamdar shud
ehl-e-haram saath huwe padhne lagi marsiya
khoon may dooba….

bachon se sheh ne kaha, qatl-e-alamdar shud
toot gaya aasra, qatl-e-alamdar shud
pani nahi aayega, qatl-e-alamdar shud
bhigi huvi aankhon se dekho to suye-alqama
khoon may dooba….

noha hai kulsoom ka, qatl-e-alamdar shud
kaise jiyungi bhala, qatl-e-alamdar shud
mujko na aayi qaza, qatl-e-alamdar shud
aas meri toot gayi dekha jo mere khuda
khoon may dooba….

rote hai mushkil kusha, qatl-e-alamdar shud
nana ne nawha kiya, qatl-e-alamdar shud
kehti hai maa sayyeda, qatl-e-alamdar shud
dekh naya zakhm mere laal tujhe degaya
khoon may dooba….

karta hai mazhar buka, qatl-e-alamdar shud
khaak udao zara, qatl-e-alamdar shud
nawha hai irfaan ka, qatl-e-alamdar shud
peet-te hai sina-o-sar dekh ke ehl-e-aza
khoon may dooba….