Khoon Kay Aansoo, Lahu Lahu Yeh Manzar

Khoon Kay Aansoo, Lahu Lahu Yeh Manzar Teray Naam.

Tapti Raiti, Bay Saar Lashay
Sarwar Teray Naam.

Chala Abu Talib Ka Beta
Aa`in Dar-e-Rab
Arsh Nabi Per Sonay Walay
Khaybar Teray Naam.

Hass Kar Boli Binte Asad Sai
Kaabay Ki Diwaar
Sher Ki Dukhtar, Shear Ki Maadar
Yeh Ghaar Teray Naam.

Teri Ghulami Rashke Ameeri
Waah Teri Taqdeer
Aal Ki Khidmat Deen Ki Nusrat
Qambar Teray Naam.

Ghurbat Main Jaan Day Di Laikin
Daman Aal Na Choro
Ap Ki Rifaaqat Fakr Ki Daulat
Abu Zar Teray Naam.

Kaysee Chain Ki Neend Ayi Hain
Talwaro’ Kay Neechay
Sonay Walay Aaj Nabhi Ka
Bistar Teray Naam.

Sehray Ka Arman Hain Dil Mein
Maa Ko Kya Maloom
Maut Javani Me Likhdi Hain
Akbar Teray Naam.

Sar Nangay Ay Janay Wali
Bazaar-e-Kufa Mein
Qudrat Ne Tatheer Ki Likhdi
Chadar Teray Naam.

Chand Sa Chehra Khoon Mai Malta
Baap Ke Bazoon Zakhmi
Pyaas Ki Shiddat, Maut Ki Lazzat
Asghar Teray Naam.

380 Views
Khoon Kay Aansoo, Lahu Lahu Yeh Manzar

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot