Kesi yeh shaam aye aulaad e Sayeeda per

Sajjad ro rahay hain, Zainab say moo Chupa ker

1- aik samt bay kafan hai, bhai Ka aus Kay Lasha

Abbas Ki behen ka, baqi raha na perda

Ab soochti hai Zainab, mangay kafan ya chadar

2- Bazu kahin paray hain, Lasha kahin para hai

Zainab Ki baybasi per, ghazi tarap raha hai

Rooti hai bekasi Bhi, farshay Aza bicha ker

3- jo ghar main do qadam Bhi, paidal nahi chali hai

Aik din main woh hi Zainab, Abbas bun gayi hai

Pehray pay agaye hai, Tanha alam autha ker

4- Sajjad say lippat ker, kehti rahi Sakina

Ehsaas ho raha hai ,main hogaye yateema

Zalim Dara raha hai, naiza dekha dekha ker

5- lashon Kay darmiyaan woh, baba Ko dhoondti hai

Moo apna pait ker yeh, feryaad ker rahi hai

Qadmo mai hi sula do, baba mujhay bula ker

6- jab Agaye Najaf say, beti ko milnay baba

Zano pay rakh Kay sar yeh, kehnay lagi woh dukhiya

Zainab aujar Gaye hai, kerbobala basa ker

7- Khaimon Kay sath jhola, bistar Bhi jal Gaya hai

Namosay Mustafa Ko, baghi kaha Gaya hai

Ley jayeen gay subhaa Ko, qaidi humain bana ker

8- guzray Ki kesi Yawar, maqtal say shahzadi

Abid nay raat momin, yeh soch ker guzar

Zainab Ka naam lay ga, zalim Jo muskura Ker