Hayye Zahra Teri Tanhai Hai Tanhai Ali Ki

Hayye Zahra Teri Tanhai Hai Tanhai Ali Ki

 

Haaye Gham Mein Tere Jaati Rahi Beenayi Ali Ki

Teri Tanhai Hai Tanhai Ali Ki

 

Darbar May Zaalim Ke Gayi Binte Payambar

Kya Waqt Tha Kuch Kar Na Saka Faatahe Khyber

Haye Haste Rahe Ghurbat Pe Tamashayi Ali Ki

Teri Tanhai Hai….

 

Paighame Wilayat Liye Ghar Ghar Gayi Zehra

Shohar Ke Liye Dhaal Thi Jab Tak Rahi Zinda

Haaye Dunya Ko Bataati Rahi Sachayi Ali Ki

Teri Tanhai Hai….

 

Kehte Thay Ali Zehra Se Kya Haal Hai Bibi

Ab Hum Ko Salam Aake Bhi Karta Nahi Koi

Haaye Hai Baade Nabi Kaisi Pazeerayi Ali Ki

Teri Tanhai Hai….

 

Dar Jalta Hua Fatima Zehra Pe Giraya

Mohsin Ki Shahadat Ka Sabab Bangayi Dunya

Haaye Tasveer Mukammal Nahi Ho Payi Ali Ki

Teri Tanhai Hai….

 

Baahar Kabhi Hujre May Kabhi Qabre Nabi Par

Har Raat Ki Tareeki May Aulaad Se Chup Kar

Haye Nikli Hai Tujhe Dhoondne Beenayi Ali Ki

Teri Tanhai Hai….

 

Zahra Ki Judai Ko Lagaye Huwe Dil Se

Pachees Baras Maula Ne Chup Chaap Guzare

Haye Ek Hujre May Kul Dunya Simat Aayi Ali Ki

Teri Tanhai Hai….

 

Us Waqt Takallum Wo Zamane Ka Wali Tha

Sajjad Jo Zainab Ko Liye Shaam Se Guzra

Haye Islam Ko Khamoshi Bacha Laayi Ali Ki

Teri Tanhai Hai….

 

1,674 Views

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot