Haq Pe Jeo Haq Pe Maro
haq pe jeo haq pe maro
zaalim ki sohbat jeena zillat hai kalma goyo
haq pe jeo….

degaye ye paigham shaheede karbobala
haq pe fana hojane may hai raaze baqa
sar ko katane may izzat hai sar na jhuka
zillat se jeene se behtar hai izzat ki maut maro
haq pe jeo….

izzat ki ek saans mile to naymat hai
zillat ki har saans musalsal laanat hai
kalmaye haq kehne may aur hi lazzat hai
jaabir se jaabir sultan ke aagay haq ki baat karo
haq pe jeo….

na haq hum naadaro oar ye tohmat hai
hukme khuda hai aur nabi ki sunnat hai
jhooton par quran ne bheji laanat hai
humko kehne se pehle quran se aayat hazaf karo
haq pe jeo….

jisme salman-o-abuzar se ashaab
us saf may shaamil ho kaise aap janab
ahl nahi jiske dekhe kyon uska khwaab
ilm ki masnat jehl ke haaton logon mat barbaad karo
haq pe jeo….

ilm khuda hai ilm nabi hai ilm ali
ilm hi se hai taamere islam hui
ilm ka shehr mohamed hai darwaza ali
shere ilm ko jaane walon dar to pehle paar karo
haq pe jeo….

jiske ghar ki baat hai uske ghar se pooch
ilm hai kya ye ahle bayt ke dar se pooch
kaun hai haq par ye shabbir ke sar se pooch
nauke naiza par hai balanad honton par hai quran suno
haq pe jeo….
239 Views
Haq Pe Jeo Haq Pe Maro

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot