khudahafiz hai ruqsat ki ghadi
ay karbala walon khudahafiz
salaame aakhri ay karbala walon khudahafiz

na hum se ho saka kuch bhi ada haq mezbani ka
hai ye sharmindagi
ay karbala walon khudahafiz

tumhare saath zehra bhi yahan tashreef laayi thi
ye izzat bhi mili
ay karbala walon khudahafiz

hamare ghar ki raunaq bhi tumhare saath jaati hai
udaasi cha gayi
ay karbala walon khudahafiz

tumhare gham may rote rote mar jaate to acha tha
ye hasrat reh gayi
ay karbala walon khudahafiz

kisi soorat behelta hi nahi dil kaise behlaye
ajab hai bekali
ay karbala walon khudahafiz

phir aglay saal hum yuhin safe matam bichayenge
rahi gar zindagi
ay karbala walon khudahafiz