Haaye Kis Tarha Kati Sham-e-Ghariban Zainab
kitna purhol tha karbal ka bayabaan zainab
haaye kis tarha….

aag qaimo may lagi bhai bhatije na pisar
kitni us waqt hui aap pareshan zainab
haaye kis tarha….

ek barchi ne jigar kardiya chalni warna
kitne thay dil may tere hasrat-o-armaan zainab
haaye kis tarha….

aag ke sholon se sajjad ko laayi kyon kar
aaj tak qalb hai us haal pe giriyan zainab
haaye kis tarha….

qalbe majrooh pe kya guzri shabe ghurbat may
aay jis waqt nazar ganje shaheedan zainab
haaye kis tarha….

toota sa naiza liye aap andheri shab may
misle abbas rahi sab ki nigehban zainab
haaye kis tarha….

pusht par haath bandhe sar khule aada ke sitam
kaise dafnati bhala laashe shaheedan zainab
haaye kis tarha….