Aati Hai Qaime Ke Dar Se Ye Sada
aaye nahi kyon nehr se ab tak chacha

ghul hai ye kaisa macha, haaye chacha jaan mere
saaniha guzra hai kya, haaye chacha jaan mere
karte hai sab kyon buka, haaye chacha jaan mere
ghutne laga dam mera, haaye chacha jaan mere
aati hai qaime….

baba bhi hai nowhagar, haaye chacha jaan mere
peet-te hai apna sar, haaye chacha jaan mere
reh gaye kyon nehr par, haaye chacha jaan mere
laut ke aaye na ghar, haaye chacha jaan mere
aati hai qaime….

dayr kyon itni lagi, haaye chacha jaan mere
kyon na khabar meri li, haaye chacha jaan mere
yaad na aayi meri, haaye chacha jaan mere
mujse khata kya hui, haaye chacha jaan mere
aati hai qaime….

dayr ka hai kya sabab, haaye chacha jaan mere
dard hai dil may ajab, haaye chacha jaan mere
pyas se hoo jan-balab, haaye chacha jaan mere
dekhiye aate hai kab, haaye chacha jaan mere
aati hai qaime….

rota hai sab ghar ka ghar, haaye chacha jaan mere
pakde hai baba kambar, haaye chacha jaan mere
kar gaye kis ja safar, haaye chacha jaan mere
shor hai kyon nehr par, haaye chacha jaan mere
aati hai qaime….

milti nahi kuch khabar, haaye chacha jaan mere
kya karoon jaa-un kidhar, haaye chacha jaan mere
hogaya veeran ghar, haaye chacha jaan mere
lagta hai ab mujhko darr, haaye chacha jaan mere
aati hai qaime….

karti hoo jab mai fughaan, haaye chacha jaan mere
rote hai shahe zaman, haaye chacha jaan mere
kis-se karoon ye bayaan, haaye chacha jaan mere
waqt hai na mehrbaan, haaye chacha jaan mere
aati hai qaime….

dhoondne jaa-un kahan, haaye chacha jaan mere
mere anees ho kahan, haaye chacha jaan mere
hashr hai ghar may ayaan, haaye chacha jaan mere
pyaas se dil hai tapaa, haaye chacha jaan mere
aati hai qaime….