Bekafan Hai Laashaye Sibte Payambar Khaak Par
ro rahi hai fatema baithi khule sar khaak par
bekafan hai….

thay imame waqt sab kuch jaante thay shaahe deen
aydiyan ragd-rayga ek din ran may akbar khaak par
bekafan hai….

sehrae qasim may din ko maa ne boonda tha abhi
dekho murjhaye pade hai wo gule tar khaak par
bekafan hai….

maa ki godhi se juda ho gar batao meri jaan
kis tarha se neend aayi tumko asghar khaak par
bekafan hai….

ya ali mushkil kusha imdad ka ye waqt hai
aa rahe hai dekhiye ghoday se sarwar khaak par
bekafan hai….

fathema zehra samaytegi unhay rumaal may
gir rahe aankh se najmi jo gowhar khaak par
bekafan hai….