Abbas Na Laute, Sheh Aagaye Mashq Aagayi

Maqtal Ki Zameen Bha Gayi Abbas Na Laute

Is Shaan Se Maqtal Ko Sidhara Tha Alamdaar
Aada Ki Nazar Thak Gayi Abbas Na Laute

Jab Teer Chala Beh Gaya Sab Mashq Se Pani
Abbas Ko Sharm Aagayi Abbas Na Laute

Rone Ke Liye Laashaye Shabbir Pe Ran May
Firdaus Se Maa Aagayi Abbas Na Laute

Qaimo May Lagi Aag to Ammu Ko Bulane
Masoom Sakina Gayi Abbas Na Laute

Had Hogayi Bhai Ko Manane Labe Saahil
Khud Saaniye Zehra Gayi Abbas Na Laute

Kya Jaaniye Kyon Rooth Gaye Kehti Thi Zainab
Ruqsat Ki Ghadi Aagayi Abbas Na Laute

Behta Hua Kano Se Lahoo Sukhe Hue Lab
Dikhlane Sakina Gayi Abbas Na Laute

Deti Rahi Awaaz Pe Awaaz Sakina
Aakhir Ko Khaza Aagayi Abbas Na Laute