Zaalim Abhi Khanjar Na Chala

Abhi Khanjar Na Chala Abhi Khanjar Na Chala

Jab Giray Ghode Se Maqtal May Shahe Karbobala
Khanjare Zulm Liye Shimre Sitamgaar Badha
Di Tarap Kar Dar-e-Khaime Se Ye Zainab Ne Sada
Abhi Khanjar Na Chala Abhi Khanjar Na Chala
Zaalim Abhi Khajar Na Chala

Toot Mat Behre Khuda Fatima Zehra Ka Chayn
Aur Kuch Dayr Teherja Aray Zaalim Ke Hussain
Bakshishe Ummate Jad Ki Abhi Kartey Hai Dua
Abhi Khanjar Na Chala

Teen Din Hogaye Pyasa Hai Nabi Ka Jani
Zibha Karna Hai To Do Ghoont Pilade Pani
Kund Khanjar Hai Mere Bhai Ka Sookha Hai Gala
Abhi Khanjar Na Chala

Bosagaahe Nabavi Hai Ye Gala Ay Zaalim
Sheh-ragay Deen Pe Khanjar Na Chala Ay Zaalim
Choomte Thay Isi Halqoom Ko Mahboob E Khuda
Abhi Khanjar Na Chala

Chor Kar Khuld Zara Fatahey Khyber Aalay
Aur Kuch Dayr Teher Ja Ke Payambar Aalay
Aati Hi Hogi Wo Aa Lene De Amma Ko Zara
Abhi Khanjar Na Chala

Kya Karoon Jaon Kahan Kis Ko Pukaroon Bhai
Kaise Dekhegi Tumhein Todtey Dam Maa Jaayi
Ya Ilahi Mujhe Shabbir Se Pehle Le Utha
Abhi Khanjar Na Chala

Haye Kis Dil Say Karoon Tazkiraye Joro Jafa
Kat Gaya Saamne Zainab Ke Shahe Deen Ka Gala
Cheekhti Reh Gayi Zainab Sar E Maqtal Ba Khuda
Abhi Khanjar Na Chala

621 Views
Zaalim Abhi Khanjar Na Chala

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot