Abbas Alamdar
kehti hai wafadari virsa hai alamdari
bedast hai phir bhi hai alamdar alamdar
hai abbas alamdar, saqi abbas alamdar, abbas alamdar
saqqae sakina hai mashkeeza batata hai
bhatke huwe logon ko manzil se milata hai
matam ke julooso may aage nazar aata hai
hai tera alam khaafila salaar alamdar
abbas alamdar….
abbas ye tujhse hai izhare wafadari
pani ki sabeele ye majlis ye azadari
tere kate shano ka sadqa hai mere ghazi
naukar hai tere saare azadaar alamdar
abbas alamdar….
ye kaisi qayamat hai aulade payambar par
be-goro kafan laashe seydaniya be-chadar
har bibi ye kehti hai dekho to zara aakar
jaate hai haram shaam ke baazar alamdar
abbas alamdar….
abbas ka girna tha jalti hui reti par
sarwar ki kamar tooti zainab ki giri chadar
laashe pe nabi zaadi deti thi sada rokar
maara gaya pyaso ka madadgaar alamdar
abbas alamdar….
yawar ye hakeekat hai masoom batate hai
maula ki ziyarat ko jo khaafile aate hai
jab karbobala ke wo nazdeek pahunchte hai
lene ke liye aate hai har baar alamdar
abbas alamdar….
1,019 Views
Abbas Alamdar

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot