Aaj Bhi Gaithi Ke Seenay Par Uska Alam

Aaj Bhi Gaithi Ke Seenay Par Uska Alam Lehraye Toh
Koyi Magar Shabbir Ki Tarha Ghar Apna Lutaye Toh

Kaun Phir Bay Maqna O Chadar Kis Kis Nay Bazu Bandhwaye
Kis Nay Bachaya Deenay Mohammad Koyi Zara Samjhaye Toh

Hai Koyi Aisa Aur Mujahid Jo Ke Bhuladay Pyaas Apni
Behtay Huway Jab Neher Ke Paani Par Qabza Ho Jaye Toh

Pyaas Ki Shiddat Zaeef Ka Aalam Zakhmi Jigar Aur Zakhmi Dil
Laashay Pisar Maqtal Se Logo Baap Koyi Yoon Laaye Toh

Ma Nay Kaha Aye Hasliyon Waalay Kaisay Raza Doon Maaqtal Ki
Soonay Jangal May Aye Beta Tum Tanha Ghabraye Toh

Khutba E Zainab Ghar Ghar Pohncha Haq Ki Yoon Tablegh Huwi
Qaidi Bana Kar Shaam May Dushman Laal Nabi Ko Laaye Toh

Kyun Na Zaki Shabbir Ke Gham May Royein Jinn O Malaa’ik Bhi
Chashm Se Har Tapka Huwa Ansoo Jab Gohar Ban Jaye Toh

108 Views
Aaj Bhi Gaithi Ke Seenay Par Uska Alam

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot