Zindaan me jabke dukhtar-e-shabbir mar gayi..

Duniya se daf’atan safar-e-khuld kar gayi..

Kunbe k dil pe dagh judayi ka dhar gayi..

Ghul pad gaya Hussain ki ashiq guzar gayi..

Jannat basayi chhod k duniya k Bagh ko..

Taza kiya hai phir Ali Asghar k dagh ko..

Iza se ghum se ranj uthane se chhut gayin

Kunbe se kya k sare zamane se chhut gayin..

Achcha hua k ghudkiyan khane se chhut gayin..

Har subha shaam aansu bahane se chhut gayin..

Nind ud gayi thi logon ki bachchi k bain se

Abto yazeed raat ko soyega chain se…

Aabid a.s. Sakina mar gayi..!!!