zehra ke dularon pa ajab zulmo jafa hai
toofane ghamo dard hai aur aale abaa hai
ay qaayam o qayoom tu sab dekh raha hai

pyase hai gulistane payambar ke gulay tar
lab khushk hai bachon ke har ek fard hai muztar
garmi se ghareebo se bura haal hua hai, tu dekh raha hai
zehra ke….

kehte hai jise log mohamed ka nawasa
afsos hai is baat ka wo shaks hai pyasa
band uske dularon ke liye aab-o-ghiza hai, tu dekh raha hai
zehra ke….

maare gaye jab nehr par abbase dilawar
zainab ko yakheen hogaya ab jayegi chadar
jo aasra mazloomo ka tha tooth chuka hai, tu dekh raha hai
zehra ke….

ek baap pa kaisi ye qayamat ki ghadi hai
qadmo may ghamo dard ki zanjeer padi hai
farzand jawan saamne dam todh raha hai, tu dekh raha hai
zehra ke….

de kisko sada koi nahi sab gaye maare
abbas ke shane kate darya ke kanare
ek din may chaman fatema zehra ka luta hai, tu dekh raha hai
zehra ke….

aaghosh se madar ki jise laaye thay shabbir
pani ke ewaz aada ne ki unki ye tauqeer
baysheer ki gardan may laga teere khaza hai, tu dekh raha hai
zehra ke….

mehman tere bhayd tu behtar hai samajhta
mamoor ka dil isliye khoon rota hai maula
shabbir ka sar shimre layeen kaat raha hai, tu dekh raha hai
zehra ke….