Hayee Ali,Hayee Ali, Hayee Ali, Hayee Ali

Fajar unisween ramzan ki tarpati hai
Fatima zehra ki jis waqt sadaa ati hai

Aa dekh le Zainab,tera zakhmi Baba,ghar loat ke ayaa hai

1. Kandho pe uthai,yun bete hain laaye,lagta hai janaza hai
   Aa dekh le Zainab, tera zakhmi Baba, ghar loat ke ayaa hai
2. Mushkil se safar yeh te hai Kiya,jaari hai lahoo ka darya
   Masjid se ghar tak,har ik qadam per,beton ne sambhala hai
   
   
3. Halat hee ajab hai baba ki pehchanna mushkil hoga
   Zehra ki garibi,yaad aye gi Bibi,tar khoon mai chehra hai
   
   
4. Jirah se hujre ke bahir jab haal hassan ne pucha
   Wo ro ke pukara,mushkil hua jeena,yeh zakham hee aesa hai
   
   
5. Ab sham e gariban mai tum ko,yeh chehra nazar ayega
   Ae sani e zehra,kuch roz ka mehman,ab ap ka baba hai
   
   
6. Yeh shana hila ker kehti hain Abbas jari ki madar
   Bibi uth jao,ashkon ko chupao,Baba ne bulaya hai
   
   
7. Qadmon mai gir ke zainab ke,ghazi ki behan yeh boli
   Baba ko bachalo,sadqe mujhe kardo,hazir yeh ruqaiyya hai
   
   
8. Ik Roz akaile aana hai,is shehar mai tujh ko Bibi
   Kiya hoga najane,shehzadi abhi se,badla hua kufa hai
   
   
9. Shabbar ka jigar, Shabbir ka sar, Abbas jari ka bazoo
   Katte dekhogi,ae baba ki piyari,yeh zakhm to pehla hai
   
   
10. Yeh keh ke taqallum beti se,khamosh hui the maula
    Darbar ke dar per,mai aoga milne,zainab mera waada hai
    Aa dekh le Zainab, tera zakhmi Baba, ghar loat ke ayaa hai