Ye Janaza Hai Ali Ka Shahe Khaibargeer Ka

Ye Janaza Hai Ali Ka shahe khaibargeer ka
Ye Janaza Hai Ali Ka
aaj baba mar gaya hai shabbar o shabbir ka

fatema zehra ke marqad se sada aane lagi
ye masayeb reh gaya tha kya meri taqdeer ka

ya rasool-allah ye jibreel ne ro kar kaha
ek halqa aur toota noor ki zanjeer ka

kyun chalayi taygh hydar par bine muljim bata
qatl quran kar diya kaata gala tafseer ka

gham ali ki betiyon ke phir se taaza ho gaye
gham abhi bhooli kahan thi maadare dilgeer ka

naz’a may jaane ali ko kya khayaal aata raha
moo kabhi zainab ka dekha aur kabhi shabbir ka

betiyon ko dekhte hai aur rote hai ali
haaye wo zaalim tasavvur shaam ki tash-heer ka

chotay se abbas bhi rotay hai sar ko peet kar
bachpana abbas ka aur zakhm dil par teer ka

baap ki mayyat se zainab ka lipatna baar baar
dil hila deta tha rona shah ki hamsheer ka

325 Views
Ye Janaza Hai Ali Ka Shahe Khaibargeer Ka

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot