Wo Teen Din Ki Pyas

wo teen din ki pyas wo tashna labon ki shaam
apne gharon se door wo un begharon ki shaam

bewaon ki yateemon ki aur qaidiyon ki shaam
durron ki taziyano ki aur khanjaron ki shaam
wo teen din….

besaaya aasmaan wo maqtal garm rayt
sehra e be-ama may wo khastaton ki shaam
wo teen din….

qaimon ke ird gird wo laashe azizon ke
aur dashte karbala may wo un besaron ki shaam
wo teen din….

lejaye kaun inka lahoo bastiyon ki samt
phaili ye saare shehr may ab dushmano ki shaam
wo teen din….

asghar tumhari yaad may hum sab hai ashqbaar
bibi sakina dekhiye ye aansoon ki shaam
wo teen din….

wo gyaarveen ke chaand ki afsurda roshni
balon se moo chipaye wo shehzadiyon ki shaam
wo teen din….

105 Views
Wo Teen Din Ki Pyas

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot