نوحہ پاک (مہندی شہزادہ امیر قاسم )

اٹھ کے مہندی لا لے قاسم سر تے سہرا پا لے قاسم

توڑیں نہ توں دم ہجے ماں نوں سینے لا لے قاسم

رات نوویں دی کول بلا کے رو رو کے ایہہ زینب آکھے

کل میں اجڑی شام نوں جانا رج کے کول بٹھا لے قاسم

خاب چ تکیا بھین سکینہ مر گئی لبھدی پیو دا سینہ

صغریٰ وچھڑی مر جانا اے کوئی تے بھین بچا لے قاسم

انج ہویا قاسم تقسیم اے روئی الف تے لام تے میم اے

رو رو چاچا لاشہ لبھدا دے آواز بلا لے قاسم

حسرت سی تینوں سہرا لاندی رج کے تیرے شگن مناندی

کر ارمان توں ماں دا پورا جے وس لگدا ای لا لے قاسم

گھٹڑی خیمے وچ جد آئی جوندی مر گئی زہرا جائی

چاچیاں پھوپھیاں رو رو آکھن سانوں کول بلا لے قاسم

رونا چاواں رون نئیں دیندے سونا چاواں سون نئیں دیندے

رل گئی تیری بھین سکینہ دکھ توں بھین چھڑا لے قاسم

ازقلم: آغا حسن رضا (کٹری باوا)

(سوز: شاہزیب حسن(بنگالی باغ