نوحہ پاک (شہادت دختر رسول خدا )

شبیر دی ماں دی عظمت توں، جا نبیاں دے سلطان توں پچھ
جیویں وچ دربار رلائی اے، فضہ توں یاں سلمان توں پچھ

تن ماں نئیں گزرے بعد نبی
اتے مر گئی پاک رسول دی دھی
دھیاں دا درد کی ہوندا اے، کسی غیرت مند انسان توں پچھ

بے جرم رسول دی آل اتے
جیہڑے ظلم ہوئے نئیں بھل سکدے
یثرب کوفے تے کربل توں، یا شام والے زندان توں پچھ

ایہہ پاک نبی تیرے شہر دے وچ
زہرا دی قبر ہے بے وارث
کیوں قبر بتول تے سایا نئیں، بقیہ دے قبرستان توں پچھ

جیہندا بابا علم دا شہر ہووے
جیہندا گھر قرآن دا مرکز اے
او مسئلے نوں نئیں بھل سکدی، قرآن دی سوں قرآن توں پچھ

تحریر دے ٹکڑے چن چن کے
میری سین ضعیفہ ہو گئی اے
ہر قدم قدم تے روندی سی، دربار چوں باہر آن توں پچھ

تن گھنٹے وچ دربار کھڑی
گھر آ کے ماریا زہرا نوں
اوہدی غربت تے کیویں صبر کیتا، اے گل بس کل ایمان توں

زینب اک گل دا خیال کریں
شبیر نوں پیاس بڑی لگدی
کیویں ٹوڑیا زینب نے پیاسہ، شبیر دے مقتل جان توں پچھ

جو ظلم بتول تے ہوئے نے
دن تے پیندے رات ہو جاندی
نئیں بعد رسول دے چین آیا ،اوہدے بیت الحزن چ جان توں پچھ

نئیں حسن بتول دے دشمن دی
محشر چ شفاعت ہو سکدی
زہرا اے نبوت دا حصہ ایہہ سرور دے فرمان توں پچھ

ازقلم: آغا حسن رضا (کٹری باوا)
سوز: شاہزیب حسن (بنگالی باغ)