Hussain Imam Ko Ran May Kiya Tha Jis Se Shaheed
Woh Khoon Bhara Hua Khanjar Dikhao Zainab Ko

Chupa Ke Balon Se Munh Ko Yeh Boli Bint-E-Ali
Khuda Ke Wastay Logon Chupao Zainab Ko

Kaha Yazeed Ne Jab Shimr Se Sar-e-darbar
Kidhar Hay Dukhtar-E-Zehra Bulao Zainab Ko

Jakarr Ke Laye Hain Khaibar Shikan Ki Beti Ko
Yeh Keh Ke Shaam May Dar Dar Phirao Zainab Ko

Anis Ahle Haram May Bapa Hua Mehshar
Kaha Jo Hakim-e-Azlam Ne Lao Zainab Ko