Tumsay Say Bichar Kay Ma Ka, Mushkil Bohot Hay Jeena
Ma Ko Bhi Saat Laylo, Ruk Jao Ay Sakina, Ruk Jao Ay Sakina, Ruk Jao Ay Sakina
Har Simt Hay Andhera, Har Raaha Purkhatar Hai
Har Raaha Purkhatar Hai, Har Simt Hay Andhera
Dushman Hay Chaar Janib, Dil Main Chupa Ay Keena
Kha Kha Kay Tum Tamachay, Ghabra Gayi Ho Shayad
Ghabra Gayi Ho Shayad, Kha Kha Kay Tum Tamachay
Tasham Seekh Jao Bhi Asoo’on Ko Peena
Aajao Main Suladoon, Sar Zanoo’on Pay Rakh Kar
Sar Zanoo’on Pay Rakh Kar, Aajao Main Suladoon
Zakhmi Bohot Hai Bibi, Tere Pidar Ka Seena
Ammu Ko Jan-e-Madar, Is Tarhan Mat Sada Do
Is Tarhan Mat Sada Do, Ammu Ko Jan-e-Madar
Abbas Ki Jabin Par, Aaja Ay Ga Paseena
Rukh Par Lahoo Jama Hay, Kanon Say Khoon Hay Jari
Kanon Say Khoon Hay Jari, Rukh Par Lahoo Jama Hay
Beta Tarap Uthay Ga, Janay Shah-E-Madina
Hay Qaid-e-Shaam Ki Ab, Tanhaiyan Mukkadar
Tanhaiyan Mukkadar, Hay Qaid-e-Shaam Ki Ab
Bibi Naseeb May Ab Teray Nahin Madina
Ye Beqasi Ye Ghurbat, Ye Dasht-e-Nainawa Ka
Ye Dasht-e-Nainawa Ka, Ye Beqasi Ye Ghurbat
Dooba Kahan Hay Aakar, Taqdeer Ka Safina
