Tu Shen Shah-e-Dard Hay, Batlarahee Hay Shaam
Chala Baykason Ka Carvaan, Beemar Logo Sarbaan,
Hay Sang Sar-e-Uriyan, Shah-e-La Fatah Ki Baiteeyan
Karbobala Kay Dasht Mei, Barpa Hay Kohraam
Mushkil Thi Bari Who Ghari, Darbaar Mei Zainab Khari,
Shabeer Kay Lab Per Churi, Sajjad Nay Pehni Kari
Darbaar-e-Yazidi Kay, Larzay Thay Dar-o-Baam
Zainab Pookaray Bay Watan, Bhai Hay Mera Bay Kafan
Karday Issay Koi Dafan, Mere Haathon Mei Baandhi Rasan
Haey Kaisay Suna Hoga, Beemar Nay Paighaam
Zindaan Seya Posh Hay, Thanhaee Ki Aaghosh Hay
Abid Kahay Na Hosh Hay, Dam Toota Hay Khamosh Hay
Ummat Nay Sakina Ko, Diya Mout Ka Inaam
Mastooron Mei Aik Mard Hay, Ghairath Say Chehra Zard Hay,
Karbal Ki Jami Gard Hay, Zainab Ka Dil Mein Dard Hay
Rotha Hay Sar Jhuka Kay, Kerta Nahien Kalaam
Zindaan Ki Soya Khaaq Per, Adil Lahoo Poshak Per,
Charchay Houway Aflaaq Per, Sultani-e-loolak Per
Hain Jin-o-Malaik Bhi, Sajaad Kay Khuddam