Aa raha hai karbala se
qafla sadaat ka
kal talak salaar iska tha alamdare jari
aaj hai salaar iska bediyo wala ali
haye sajjad haye sajjad
qafla saadaat ka hai qafla sadaat ka
jab madine se chala tha qafla sadaat ka
misle hyder paasban abbas tha sadaat ka
kaisi ghurbat ek din may bibiyo par chagayi
ek abid natawan hai aasra sadaat ka
haye sajjad…
qafla saadaat ka…
kal talak abbas ki thi har qadam par ye sada
ay parindo moo chupalo hai safar may sayyeda
aaj ye salaar hai aur shamiyon ki bheed hai
maangta hai har qadam par haye zainab ki rida
haye sajjad…
qafla saadaat ka…
qafla ek wo tha mehmil may thi sab saydaniya
qafla ek ye hai paidal chal rahi hai bibiya
qafla salaar ki ghurbat ka aalam dekh kar
bain karti jaa rahi hai har qadam par bediya
haye sajjad…
qafla saadaat ka…
har ghadi saabir rahe hai dono mere kaarwan
karbala tha ek ka maidan shaam ek ka imtehan
aaj hai rehwar ki gardan may sar abbas ka
abid-e-bemaar ki gardan may hai tauqe giran
haye sajjad…
qafla saadaat ka…
shor karte hai sitamgar taaziyane maarke
muntazir kursi nashin hai itrate athaar ke
qatl ghairat ho rahi hai har gali har mod par
innalillah hai labon par abide bemaar ke
haye sajjad…
qafla saadaat ka…
hai kamar kham aur haatho may asa thaame huay
kis tarha pehchane aakhir fatema sughra isay
aagaya yawar madine may mera maula magar
laut kar aayi na abid ki jawani shaam se
haye sajjad…
qafla saadaat ka…
