Pyas Bachon Ki Bhadak

pyas bachon ki bhadak uthi thi pani dekh kar
sehm jaate thay magar eeza rasani dekh kar
pyas bachon ki….

kyon na rotay nowjawan bete ke laashe par hussain
zapt mumkin hi na tha khoon ki rawani dekh kar
pyas bachon ki….

kitni umeedein lagaye hongi maa behne phuphi
akbare gulgu-khaba ki nowjawani dekh kar
pyas bachon ki….

haale asghar kuch na poocha maa ne bas roti rahi
chehraye shabbir par khoon ki nishani dekh kar
pyas bachon ki….

khaak par pani bahakar shaad hotay thay layeen
ahlebayte paak ki tashna dahani dekh kar
pyas bachon ki….

kitna khasta haal tha abid ka daurane safar
khoon pisha kaate thay bar baarbani dekh kar
pyas bachon ki….

dekhle maa baap sehra iska ay rabbe jaleel
ye dua deti thi lila har jawani dekh kar
pyas bachon ki….

seenazan shabbir ki majlis may paakar ay anees
hai duago fathima ye nowhakhani dekh kar
pyas bachon ki…

105 Views
Pyas Bachon Ki Bhadak

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot