Meray bhaiya meray Ghazi meray pyaray Abbas

Gir kay laashay pay yeh Shabir pukaray Abbas..

Hashmi shan e taqudus kay hawalo ki qasam
Ghar main phelay huey purnoor ujalo ki qasam
Tum qamar ho meray bachay hain sitaray Abbas..

Haq nay Mohsin ka badal aap ki soorat main diya
Aap ko Syeda Zahra nay kaha hai beta
Is liye kehtay hain bhaiya ho hamaray Abbas..

Jis main shana kiya kertay thay Ali bhi aksar
Khaak aur khoon main lip tay huey aatay hain nazar
Wo jo hum nay teray gaysu thay sawaray Abbas..

Meray Bhaiya Meray Ghazi Meray Pyaray Abbas

Go kay halqoom sukhati hai tapish seenay ki
Phir bhi honto pay duayen hain teray jeenay ki
Muntazir pyas kay maray hain tumharay Abbas ..

Kufa o sham ki raho ka Khuda hafiz hay
Meray khaimo ka ridaon ka Khuda hafiz hay
Too tay sub Sani e Zehra saharay Abbas..

Akhri baar kalayjay say lagaon kaisay
Yeh tarap dil main liye lout kay jaon kaisay
Teer kis nay teray seenay pay hain maaray Abbas ..