maqtal may khoon se laal hai bano ka nownehaal
maqtal may khoon….

abroo wohi hussain ke palke hussain ki
tewar wohi hussain ke aankhein hussain ki
aayena-e-jamaal hai bano ka nownehaal
maqtal may khoon….

sukhe labon ke gird wo chehre ki aabo taab
himmat nahi kisi may koi badke de jawaab
shabbir ka sawaal hai bano ka nownehaal
maqtal may khoon….

allah re wo teri tabassum bhari nigaah
ek aan may safay hi palat di khuda gawah
haybat may ek jalaal hai bano ka nownehaal
maqtal may khoon….

tera lahoo zameen par girne nahi diya
behte lahoo ko shaah ne chehre pe mal-liya
yaqta dame khitaal hai bano ka nownehaal
maqtal may khoon….

bano ki samt jaaye to kis tarha se hussain
palte hai saath baar dare qaime se hussain
haaton pe nownehaal hai bano ka nownehaal
maqtal may khoon….

uth-ta hai shore girya jo ek qaime gaah se
sab ban ka ban larazta hai bano ki aah se
ek teer se nidhaal hai bano ka nownehaal
maqtal may khoon….