Kohram Ajab Aale Mohammad May

kohram ajab aale mohamed may bapa hai
ab sibte nabi behre bagha ran ko chala ha

lipti hui daman se ye kehti thi sakina
mai jaane nahi doongi ye ran dashte bala hai
kohram ajab….

jo bhi gaya wo laut ke ghar may nahi aaya
qasim ka na akbar ka na ammu ka pata hai
kohram ajab….

asghar hai kahan aap gaye thay unhe lekar
kya wo bhi giraftaar-e-bala ran may hua hai
kohram ajab….

aap aaye hai ruksat ke liye faisla karke
kyun zuljana-e-shah bhi dweodi pe khada hai
kohram ajab….

mai jaake lipat jaaungi paon se jo uske
jaayega na rehbaar agar kuch bhi haya hai
kohram ajab….

goya hue lipta ke sakina ko ye shabbir
jo kuch bhi kaho tum ye meri laal baja hai
kohram ajab….

ham jaate hai lene ke liye pani jo mil jaaye
beti ko meri tashnagi had se siva hai
kohram ajab….

farmaya tadap kar ye sakina ne ke baba
pani ka na lo naam mujhe marna rawa hai
kohram ajab….

baba na kabhi maangungi mai ab pani kisi se
is pani ki khatir hi chacha mujhse chuta hai
kohram ajab….

ruqsat ka anees haal raqam kis tarha hoga
ab gham se khalam bhi to lahoo dena laga hai
kohram ajab….

512 Views

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot