Karbobala Naseeb Se Jana Naseeb Ho

● Karbobala Naseeb Se Jana Naseeb Ho

●Uthay Hain Hath Khudaya Is Dua Kay Liye
Naseeb Ho Safar e Ishq Karbala Kay Liye

●Karbobala Naseeb Se Jana Naseeb Ho
Phir Laut Kar Wahan Say Ana Naseeb Ho

●Ankhon Ko Jab Bhi Ashk Bahana Naseeb Ho
Aale Nabi Ke Gham Ka Bahana Naseeb Ho

●Aisa Dar e Hussain Pe Sajda Ho Akhri
Phir Mujhko Apna Sar Na Uhana Naseeb Ho

●Parvardigar Thokarein Dar Dar Ki Kab Talak
Ab Mutakil Najaf Main Thikana Naseeb Ho

●Jaisa Mila Naseeb Se Ummul Baneen ko
Ab Kya Kisi Ko Aisa Gharana Naseeb Ho

●Mehshar Ye Arzoo Hai Ke Be Ghuslo Be Kafan
Karbobala Ki Teh Me Samaana Naseeb Ho

●Ansoo Gire Thay Bali Sakina Kay Jis Jagah
Apna Wahan Pay Khoon Bahana Naseeb Ho

●Yeh Keh Kay Shah Nikle Mazar e Rasool Sy
Pardes Main Kafn Mujhy Nana Naseeb Ho

●Asghar Hai Mairay Hath Bandhay Kehti ThI Rubab
Kaise Tumhai Galay Say Lagana Naseeb Ho

●Mashkiza Lay Kay Roza e Abbas Kay Qareeb
Sab Zairo’n Ko Pani Pilana Naseeb Ho

●Ek Sar Burida Lashe Nay Bachi Ko Di Dua
Zindan Say Ko Laut Kay Ana Naseeb Ho

●Nazdeek Khaima Gah Sakina Ki Yaad Main
Sham e Ghareeban Shama Jalana Naseeb Ho

●Sajjad Sham Tak Yahi Karty Rahe Dua
Chadar Mujhy Phuphi Ko Urana Naseeb Ho

●Aey Kash Phir Say Mir Takallum Furaat Par
Mehdi Ko Sheh Ka Noha Sunana Naseeb Ho

 

357 Views
Karbobala Naseeb Se Jana Naseeb Ho

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot