Jal gayay khaimay humaray reh gayay ghazi kahan

Ro kay zainub yeh pukaray reh gayay ghazi kahan

Aayay na aun o Muhammad/ laut kay maidan say

Kho gayay meray saharay/ reh gayay/ ghazi kahan

Jo tumhari laadli thi/ uss ko mara shimar nay

Uskay bunday bhi utaray/ reh gayay/ ghazi kahan

Bhai kay haatoon pay dekho/ garden-e-baysheer say

Beh rahay hain khoon kay dharay/ reh gayay/ ghazi kahan

Mil chuki hai karbala key/ khaak main sab rooshni

Bujh gayay saray sitaray/ reh gayay/ ghazi kahan

Soochta hai baap ki maie/yat pay aabid yeh khara

Qabar main kaisay utaray/ reh gayay/ ghazi kahan

Tum ko maqtal main sakina/ dhoond ayi har jagha

Kya ho darya kay kinaray/ reh gayay/ ghazi kahan

Kampta hai lasha-e-abbas kashif nehar par

Ro kay jab kehtay hain saray reh gayay ghazi kahan