Iss tarha bhai ka chehlum hay kiya zainub nay

Khoon ankhon say diya run main baha zainub nay

Qaid’ say chut kay jo pohnchay hain harm karb o bala

Pusht-e-naqay diya khud ko gira zainub nay

Zalzala qabar-e-almdar main aaya jiss dam

Bhai aayay hay behan dey yay sada zainub nay

Mar gayay qaid main ghut ghut kay sakina tayri

Qabar-e-sarwar pay yay noha tha parha zainub nay

Jabkay run main tha khara deen-e-khuda bay parda

Sar ko islam kay dey apni rida zainub nay

Qalab-e-sajjad main Ghairat say paray hain chahlay

Haal shabir say aabid ka kaha zainub nay

Roey na bayton ko bhai pay rahi girya kuna

Dars-e-qurbani youn dunya ko diya zainub nay

Qabar-e-qasim pay ajab haal main madar thi khari

Janay kis dil say tha yay gham bhi saha zainub nay

Dil main aik nook-e-sinaa ka sa howa tha ehsas

Noha laila say jo akbar ka suna zainub nay

Tham kar apna jigar beht gaien umm-e-rabab

Bhabi ghar jana hai jis dam yay kaha zainub nay

Hashr tak matam-e-sarwar na rukay ga ashhar

Matam-e-shah ha ko dey aisi baqa zainub nay