Jab Alam Se Koi Mashkeeza Bandha Hota

Jab Alam Se Koi Mashkeeza Bandha Hota Hai
kisi bedard ka izhare wafa hota hai

kaise rehwar se girta hai koi be-baazu
gurz ka zakhm bhi jab sar pe laga hota hai
jab alam se koi….

isko lilaah na kholo ke hai pamaal badan
aisa laasha kahin chadar may khula hota hai
jab alam se koi….

shahe deen sirf alam khaimay may laaye hongay
ye jo ek shor qayamat ka bapa hota hai
jab alam se koi….

khoon barasta hai fiza-on se larazti hai zameen
kundh khanjar se jo sar sheh ka juda hota hai
jab alam se koi….

haye sajjad ke pairon may wo zanjeer-e-garan
aabilon ke liye har kaanta laga hota hai
jab alam se koi….

mashk dikhlake bahate hai zameen par pani
roz ek zulm sakina pe naya hota hai
jab alam se koi….

ek awaaz haram sunte hai har shab shahid
waqt e zindan koi noha sada hota hai
jab alam se koi….

109 Views
Jab Alam Se Koi Mashkeeza Bandha Hota

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot