Hum Ko Hai Apni Jaan Say Pyaara Gham-e-Hussain.
Qayam Rahay Jahan Main Khudaya Gham-e-Hussain.

Roz-e-Alast Poocha Gaya Kya Pasand Hai
Bai-Akhtiyaar Hum Nai Pukara Gham-e-Hussain.

Jab Chaaha Sayeda Kai Qadam Aaen Ghar Meray
Farsh-e-Aza Bichaya, Manaya Gham-e-Hussain
Qayam Rahay Jahan Main Khudaya Gham-e-Hussain.

Kam-zarf Ko Jahaan Main Mila Jab Bhi Iqtida
Pehlay Bana Situm Ka Nishana Gham-e-Hussain
Qayam Rahay Jahan Main Khudaya Gham-e-Hussain.

Har Kufr O Zulm O Joar O Tashaddud Kai Saamnay
Hai Aaj Bhi Mahaaj Pai Tanha Gham-e-Hussain
Qayam Rahay Jahan Main Khudaya Gham-e-Hussain.