Galay Main Tauq Hay Aur Bariyan Hain Pearon Main.
Diya Hain Shaam Kay Logo Nay Ye Inaam, Khuda Khair Karay.

Woh Jis Kay Saar Say Rida Bhi Kabhi Sarak Jaye.
To Maray Sharam Kay Suraj Waheen Palat Jaye.
Sharabiyon Say Howi Hay Woh Hum Kalam.
Khuda Khair Karay.

Tamam Shearon Kay Deevar O Dar Sajaye Hain.
Khari Hain Auratain Haaton Main Sang Uthaye Hain.
Kiya Hay Jashan-e-Fatah Ka Ye Ahtamam.
Khuda Khair Karay.

Bana Kay Qaidi Aulad-e-Ali Ko Laye Hain.
Ye Shor Barpa Aaye Hain Baghi Aaye Hain.
Macha Hay Shaam Kay Logon Main Kohram.
Khuda Khair Karay.