Abbas ya abbas
ay shataqar abbas

raah takti hoo mai haye din dhal gaya
door itni to nahi ghar se alqama
aur rehwar bhi tez raftar ka
maine jate huwe unko di thi dua
be-asr hai dua jaane kya hogaya

khaali kooze kahan tak sambhale rahoon
fazlo maqqar ko kaise tasalli mai doon
pyas lene nahi deti ek pal sukoon
dhoond lao unhe haye kis se kahoon
dam ukhadne laga ghut raha hai gala

kab gaye thay irade se ladne ke wo
rakh gaye thay wo ghar may hi talwar ko
keh rahe thay wo mujse sakina suno
lao mashkeeza ay laadli hum ko do
mai hoo dar par khadi dayr kyun ho gayi

is andhere may kya kar rahe hai wahan
aap hi kuch batadijiye amma jaan
unko maloom hai mai hoo tishnadahan
ab to pathar hui jaa rahi hai zuban
jeena dushwar hai qaime jalne lagay

bhaiya abid tumhi jake lao khabar
mashk itni to bhari nahi thi magar
ke utha na sake murtaza ka pisar
ab to khanjar se chalne lagay khalb par
ay khuda tu bata lab pa ay mustufa

daf’atan khoon may dooba alam aagaya
zakhmi mashkeeza bhi tha alam se bandha
pyasi bachi ke hathon se kooza gira
phir to zere alam ek hi thi sada
alqama alqama tu bata tu bata

ghaib se aayi awaaze khairunnisa
ay sakina chacha tera maara gaya
bazuon pe chali uske tayghe jafa
moo ke bal mera zameen par gira
khaak par baith ja ab na de ye sada

ay rehan-o-raza tha ye sadma bada
shor ahle haram may qayamat ka tha
koi kehti thi bhaiya to koi chacha
chadaron ka na ab koi zaamin raha
chup sakina hui kis se ye poochti