Hai teri wafaon ki ajab Ghazi kahani

Bachpan peh Sakina kay, fida kar di jawani.

1) Tu Fatima Zahra ki, duaon ka sila hai

Abbas tera naam hi, Zainab ki rida hai

Ab tak tera mamnoon hai, islam ka bani.

2) Zahra ki lahad kampi, Haider nay najaf chora

Ro ro kay yeh shah bolay, meri kamar ko bhi thora

Jab khoon main tarr dekhi, Ghazi ki paishani.

3) Ronay kay liye mola, kiya baat yeh kam hai

Kitna tujhe masoomo ki, haye pyaas ka ghum hay

Dariya peh kiya kabza, peeya phir bhi na paani.

4) Ab kaun bachayega, meray sar ki rida Ghazi

Kis tarha seh ab jaongi, may shaam baata Ghazi

Sar peet kay kehti thi, yyehh Zahra-e-Saani.

5) Woh kis tarah payegi, Hasan Zahra kay dar say

Jo jung rahi karti, damad-e-payambar say

Woh kesay bhala hogi, sadat ki nani.