Chalo Hussain tumhe Karbala bulaati hai

Sada-e-Fatima Zehra Lehad say aati hai

Tawaaf karta tha jis ghar ka Khaana-e-Kaaba

Kay haajiyo ki jaamat woh ghar jaalati hai

Qadam Hussain uthaatay hai … soo-e-Karbobala

Qadam say liptee howi qaaayenaat jaati hai

Khabar hai Shaam-e-Ghareebaa teray undhayray ko

Nabi kay rozay pay sughra diyay jaalaati hai

Bata aye Maah-e-Moharram yeh kaun bibi hai

Woh baal khol kay bus chaand daykhay jaati hai

Yeh kaun bibi hai aur kiski raaha taktee hai

Na maut aati hain isko na neend aati hai

Navaid kia howa labaik kyun naheen kehtay

Sada tau dasht say hal min ki ab bhi aati hai