Chaand nikla hai moharram ka tu tanha sugra
dekh kar roti hai beemaar, sar-e-rah sugra

jub nikalta hai moharram main tau sab rotay hain
aik beemaar nazar aati, hai tanha sugra

shaam dhultee hai tau aajatay hain punchee ghar ko
daytee veeraan gharo say hai, yeh sada sugra

teray charnay say ujar jayeyga ghar zahra ka
aaj chup jaa tujhay kehti hai, ye dukhi ya sugra

dil main hai aik tamanna kay milay akber say
raat din karti hai rozay pay, yeh dua sughra

jis tarah bichree hoon main aur na bichray koi
karti nana say hai ro ro kay, yeh shikwa sugra