Chadaron Ka Naam Sun Kar Ro Pari Bint e Ali
Chadaron Ka Naam Sun Kar Ro Pari Bint e Ali, Shaam Ke Darbaar Mai
Waa Hijaaba Keh Rahi Thi, Sayeda Ki Laadli, Shaam Ke Darbaar Mai

 

1)Kursion Par Kaatilaan e, Shah Thay Baithay Hue
Saaya e Deewar Mai Thay, Sab Haram Lekin Kharay
Ba Wafa Ko Dhoondti Thi, Dukhtar e Sher e Jarri….Shaam Ke Darbaar Mai

 

2)Shimr Dekha Toh Sakina, Sehm Kar Ronay Lagi
Shimr Hoja Dur Fizza, Cheekh Kar Kehne Lagi
Khauf Se Murjha Rahi Hai, Bhaag e Ismat Ki Kulli.

 

3)Dasht Mai Baba Ke Sar Par, Jab Pari Uski Nazar
Apne Zakhmon Ki Rahi Na, Phir Sakina Ko Khabar
Daurdti Baba Ki Jaanib, Laadli Beti Challi.

 

4)Kon Hai Zainab Pukara, Jis Ghari Firaoun e Shaam
Haye Ghurbat Keh Ke Utha, Tha Mera Qaidi Imaam
Ashq Khoo’n Ke Ro Raha Tha, Shah Ka Beta Ali

 

5)Zaalimon Ko Mil Rahay Thay, Zulm Karnay Par Inaam
Kaykahon Par Kaykahay Thay, Jaam Par Chaltay Thay Jaam
Rotay Rotay Shaam Logon, Aal e Ahmad Ko Dhalli

 

6)Hukm Haakim Ne Sunaya, Maar Do Beemar Ko
Is Jagah Hi Qatl Kardo, Kaafila Salaar Ko
Gir Pari Abid Ke Ooper, Haye Nazon Se Palli

 

7)Jab Ali Akbar Ke Sar Ko, Saamnay Laya Gaya
Ho Gayi Behosh Maan Se, Na Sambhal Paya Gaya
Dukhtaran e Fatima Parh, Ne Lagi Naad e Ali

 

8)Zainab e Kubra Ne Ro Kar, Jis Ghari Khutba Diya
Haye Ay Tauqeer Abid, Ka Badan Tha Kaampta
Hathkari Par Maarta Tha, Sar Wali ibne Wali
1,137 Views

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot