Bhai Shabbir Fi-amanillah
jab aayi gyara moharram mayane karbobala
behan ne bhai ke pahile huve lahoo se kaha
ay shahe bekasan khudahafiz
ay mere bhai jaan khudahafiz
lo chala karwan khuda hafiz
bhai shabbir fi-amanillah, chali hamsheer fi-amanillah
zameen pe bikhre huve noor is behan ka salam
badan darida o majboor is behan ka salam
chali hai tumse bahot door is behan ka salam
misale fatema har dukh may muskura-ungi
hussain zinda hai dunya ko mai bata-ungi
bhai shabbir fi-amanillah….
salam umme abiha ke godh ke paale
salam karte hai zehra ke haath ke chaale
salam zulfe mohamed se khelne waale
padenge durre to mai sabr aazma-ungi
hussain zinda hai….
bhai shabbir fi-amanillah….
ye gham nahi hai ke mai sogwar qaidi hoo
abu turab ki aur fatema ki beti hoo
mai is kaleje may quwat ali ki rakhti hoo
yazide waqt ke khyber ki mai gira-ungi
hussain zinda hai….
bhai shabbir fi-amanillah….
rahe wafa ke bahatar masafiron ki qasam
labe farat sulagte huve gharon ki qasam
sina ki nok pe rakhe huve saron ki qasam
jalaale hazrate abbas banke cha-ungi
hussain zinda hai….
bhai shabbir fi-amanillah….
khushi se ehle sitam baandh le mere baazu
banenge nooh ka toofan ab mere ansuu
na chup sakegi ye khoone hussain ki khushboo
mai sar khule huwe darbare shaam jaungi
hussain zinda hai….
bhai shabbir fi-amanillah….
nigaah janibe darya uthi to itna kaha
mere diler alamdar faatahe darya
tujhe khabar hai mere sar se chingayi hai rida
tere alam ka pharera rida bana-ungi
hussain zinda hai….
bhai shabbir fi-amanillah….
jo pahunchi sham to bazaar ko saja dekha
kabhi najaf to kabhi suye karbala dekha
pukari baba mera tumne hausla dekha
jahan bhi jaungi farshe aza bicha-ungi
hussain zinda hai….
bhai shabbir fi-amanillah….
suna hai sarwar o rehaan khahare shabbir
ali ke lehje may karti thi jis ghadi taqreer
yazeed o shimr ke seene pe chalti thi shamsheer
wo jab ye kehti thi waade ko mai nibha-ungi
hussain zinda hai….
bhai shabbir fi-amanillah….
298 Views
Bhai Shabbir Fi-amanillah

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot