Ay Shame Ghariban, Ay Shame Ghariban
tareekh ka hai gham se tere chaak gareban

ek zakhme sina se ali akbar gaye maare
kausar ko sidhare
kya kya na thay laila ko abhi byaah ke armaan
ay shame ghariban….

cheh maah ke baysheer bhi maare gaye pyase
ek teere khaza se
is zulm pa khud ahle jafa hogaye girya
ay shame ghariban….

bete thay wo zainab ke ajab faqre abujad
wo auno mohamed
hamsheer ne dono ko kiya bhai pa qurbaan
ay shame ghariban….

akbar hai na qasim hai na asghar hai na abbas
ab koi nahi paas
ek pehr may shabbir ka ghar hogaya veeran
ay shame ghariban….

shehzadi sakina bhi aaghaze safar hai
lagte hai tamachay
aur sham ka zindan to hai pir sham ka zindan
ay shame ghariban….