Amma Baar Baar
shaam may jahan bibi ka hai mazaar
raaton ko dheemi dheemi si aati hai ek pukaar
kaano se mere khoon abhi bhi tapakta hai
amma baar baar gala mera dukhta hai
uththi hai jab bhi aap mera saans rukhta hai
amma baar baar….
soyi nahi hoo shaame ghareban ke baad mai
ab kya jiyungi shaam ke zindaan ke baad mai
be-aas ab hoo shahe shaheedan ke baad mai
saaya ajal ka amma mere saath chalta hai
amma baar baar….
kano ka khoon aankhon ke aansu se milgaya
har zakhm phool banke badan par hai khil gaya
baba ko dhoond laao ke seene se dil gaya
bejaan mere jism kyon dil dhadakta hai
amma baar baar….
ay amma jabse bab se mai door hogayi
ye zindagi mere liye nasoor hogayi
par kya karoon naseeb se majboor hogayi
hijre padar se seene may ek dard uthta hai
amma baar baar….
kaantein pade hai halq may ay amma pyaas se
darti hoo jhonka guzre hawa ka jo paas se
neendh udgayi hai aankhon se khauf-o-hiyaas se
rone pe mere shimr-e-layeen kyon jhidakta hai
amma baar baar….
asghar ke baad pani piyoon mai nahi nahi
ammu ke baad zinda rahoo mai nahi nahi
faryaad kuch shaqi se karoon mai nahi nahi
pani may aqse chehrae asghar jhalakta hai
amma baar baar….
lagta hai qaidga se rihaai qareeb hai
ay amma jaan-o-tan se rihaai qareeb hai
ab maut mujhko khabr ke laayi qareeb hai
daman to jal chuka hai mera dil sulagta hai
amma baar baar….
kaunain may ye kaisa hai kanoon poochiye
marne ke baad mujko rihaai nahi milay
ye kaisi qaid hai ke lehad bhi yahi bane
qaidi kabhi to qaid se ghar ko palat-ta hai
amma baar baar….
amma rihaai paake watan tum to jaaogi
sughra meri behan ko gale se lagaogi
poochegi jab mujhe to usay kya bataogi
reh reh ke ek sawaal mere dil may uthta hai
amma baar baar….
jao nadeem sarwar-o-rehaan ek baar
zindaan-e-shaam may jahan bibi ka hai mazaar
raaton ko dheemi dheemi si aati hai ek pukaar
kaano se mere khoon abhi bhi tapakta hai
amma baar baar….
391 Views
Amma Baar Baar

Scan this QR code to view these lyrics on your mobile devices.

More
Lyrics

More Nohay Lyrics Available On The APP

Screenshot