Akbar Meray Sehriyan Wala Akbar

Zakham Dil Kay Dikhaoon Main Kaisay (x2) Tera Laasha Utaoon Main Kaisay.

Laashay Akbar Pe Shah Jab Ponchay Dil Ko Haato Seh Thaam Kar Bolay
Teri Furqat May Ay Ali Akbar Aag Dil Main Meray Lagadi Hai
Aag Dil Ki Bujaoon Main Kaisay (x2) Tera Laasha Utaoon Main Kaisay.

Tu Hai Kariyal Jawaan Ay Beta Baap Tera Zaeef Hai Kitna
Noor Ankhon Ka Hogaya Rukhsat Mujh Ko Ata Nahin Nazar Khaima
Laikay Khaimon Mai Jaoon Mai Kaisay (x2) Tera Laasha Utaoon Main Kaisay.

Jis Neh Athara Saal Pala Tha Kaisay Dekhegi Woh Tera Laasha
Teri Shaadi Ka Tha Jisay Armaan Kaisay Jhelaygi Vo Tera Sadma
Teri Maa Ko Bataoon Main Kaisay (x2) Tera Laasha Utaoon Main Kaisay.

Dekh Aya Hai Qasid-e-sughra Raah Tak Ti Hai Woh Dukhi Behna
Tujh Ko Bemaar Ney Bulaya Hai Wada Sughra Ka Kyon Bhuladala
Ghum Ye Dil Seh Lagaoon Mai Kaisay (x2) Tera Laasha Utaoon Main Kaisay.

Bhayi Bheno Ka Hai Ajab Rishta Jiska Saani Kahin Nahin Milta
Rokay Sughra Ney Ye Likha Akbar Aik Dukhiya Ki Laaj Rakh Layna
Mar Gaya Tu Bataoon Main Kaisay (x2) Tera Laasha Utaoon Main Kaisay.

Lutaf Jeene Mai Ab Kahan Akbar Dil Seh Uthti Hai Yeh Fughan Akbar
Sub-e-ashur Di Thi Jo Tunay Khoon Rulaigi Wo Azaan Akbar
Teri Suraat Bhulaoon Mai Kaisay (x2) Tera Laasha Utawo Main Kaisay.

Zabt Ghum Kah Woh Haal Hai Beta Dekhu Kaisay Yeh Zakaam Seenay Ka
May Toh Pardes Mai Akela Hun Dekh Kar Zakham Kya Karo Batala
Is Peh Marhum Lagaoon Mai Kaisay (x2) Tera Laasha Utawo Main Kaisay.

Aysi Gurbaat Peh Moou Nahin Morro Mai Hun Tanha Mujhe Na Youn Choro
Kya Guzarti Hai Baap Kay Dil Par Ghum Zada Dil Ko Youn Nahi Toro
Apni Gurbaat Bataoon Mai Kaisay (x2) Tera Laasha Utaoon Main Kaisay.