Abbas ke parcham ko hawa choom rahi hai
lagta hai ke zehra ki duwa choom rahi hai
abbas ke parcham ….

aa dekh sukayna tere abbas ka laasha
darya ke kinare pe kaza choom rahi hai
lagta hai ke zehra ki ….

yun bheegti jaati hai khaza choom ke alam ko
jaise ke ye zainab ki rida choom rahi hai
lagta hai ke zehra ki ….

sar apna patakta hai kinaro pe ye paani
ja arsh ko matam ki sada choom rahi hai
lagta hai ke zehra ki ….

behta huwa paani hai ke abbas ke aansu
mashkize ko ummat ki jafa choom rahi hai
lagta hai ke zehra ki ….

sar choom ke ghazi ka kaha ibne ali ne
abbas qadam tere wafa choom rahi hai
lagta hai ke zehra ki ….

jawad ye nauha hai shehen-shaahe wafa ka
har lafz ko ashkon ki ghata choom rahi hai
lagta hai ke zehra ki ….