Zameene Karbala May Dafn Hai Gul Payrahan Kitne

Tadap Kar Mar Gaye Seene Pe Iske Khastatan Kitne

Koi Zainab Se Pooche To Masaib Kis Khadar Jhele
Uthaye Karbala Se Shaam Tak Ranjo Mehan Kitne

Razae Shahe Waala Har Ek Ek Daam Zainab Ka
Zamane May Hai Aisay Bawafa Bhai Behan Kitne

Pisar Zainab Ke Dono Qasim O Akbar Ali Asghar
Diya Hai Karbala Ko Shahe Deen Ne Gulbadan Kitne

Fida Islam Par Laakhon Hue Tareekh Kehti Hai
Magar Hai Karbala Walon Ke Jaise Bekafan Kitne

Wo Jisme Qasim O Akbar Se Gul Asghar Se Ho Ghunchay
Khiza Loote Hai Tune Sach Bata Aise Chaman Kitne

https://www.youtube.com/watch?v=s-VsyeU_D7A